Seneta wa Kericho, Aaron Cheruiyot, ameibua mjadala mkali baada ya kumshambulia kwa maneno makali aliyekuwa Waziri wa Usalama wa Ndani, Fred Matiang’i.
Akizungumza katika mkutano wa kisiasa, Cheruiyot alimkosoa vikali Matiang’i akisema hana ushawishi wa kisiasa na kwamba hakuna mtu anayeweza kumpigia kura katika uchaguzi wa Kenya. “Wewe ata hauna kura ya kuibiwa na hakuna mtu anaweza kupigia kura Kenya hii,” alisema.
Seneta huyo pia alimkumbusha Matiang’i kuhusu kipindi chake alipokuwa katika Wizara ya Usalama wa Ndani, akidai kuwa kulikuwa na madhara yaliyowakumba vijana wakati huo. “Sisi sio wajinga na usifikirie tumesahau ile madhara ulifanyia vijana ukiwa kwa office ya interior,” aliongeza.
Kauli hizo zimechochea mijadala mikali miongoni mwa wanasiasa na wananchi, hasa ikizingatiwa kuwa Matiang’i amekuwa akihusishwa na mipango ya kurejea katika siasa za kitaifa.
Hadi sasa, Matiang’i hajatoa majibu rasmi kuhusiana na matamshi hayo. Mvutano huu unaonyesha jinsi siasa za mapema kuelekea uchaguzi ujao zinavyoanza kupamba moto, huku viongozi wakionekana kujiweka katika nafasi tofauti za kisiasa.
